O programa de actividades comezará hoxe venres, ás seis do serán, coa inauguración do encontro no paseo marítimo de Xubia e con distintos concertos a cargo de grupos noveis da comarca e doutros cunha longa traxectoria como Amadeus, TST, Lady Evil ou Riff Raff.

Na mañá do sábado celebrarase unha primeira “rota mototurística” pola zona de Valdoviño e pola tarde, xa no polígono de Río do Pozo, haberá distintas exhibicións de acrobacias a cargo do piloto oficial da BMW, Narcís Roca, e do subcampión español de trial, David Sellero. Tamén como atractivo para este segundo día, os Fojeteiros anuncian pola noite a denominada “rota dos fachos” pola estrada de Castela e, xa de volta ao paseo de Xubia, unha actuación humorística do grupo Maldados.

A quinta concentración moteira de Narón concluirá o domingo  cunha nova rota mototurística polos concellos de Fene e Ares, aproveitando a celebración ese día do Corpus Christi e a confección das tradicionais alfombras florais na vila. Ao remate, os participantes reuniranse nun xantar de confraternidade.