ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Gumersindo Galego quere vovler á recadación directa das taxas municipais desde o concello. O proceso require da creación de prazas para ese servizo.
O goberno do PP quere volver á atención directa á veciñanza no cobro das taxas que hoxe en dia se fai a través da Deputación co trastorno que iso comparta ás veces á xente. Gumersindo Galego afirma que se poñen un prazo para facelo xa que hai que crear unhas prazas ao efecto porque o servizo de tesourería municipal ten moitísimo traballo. Este reflexión ven a conto da ordenanza nº 19, a do saneamento da ría (EDAR) porque o PSOE botoulle en cara ao PP que non a deu cobrado. Defendeuse Galego alegando que foi o goberno do BNG quen retrasou o cobro cando gobernou, desde marzo do 2015 ata xullo de 2018.
O alcalde de Fene e representantes dos grupos da corporación reuniranse mañá ás duas da tarde co Xerente da Área Sanitaria da zona para explicarlle a situación pola que atravesa o centro de Saúde do Tarrío que estivo varios dias sen pediatra porque non se sutitúen as baixas. Galego insiste en que é un problema de índole estatal porque "non hai médicos".
No espazo As Foxas de Radio fene, o alcalde fenés falounos tamén do PXOM cuxa revisión anual ten unha subvención para o abono dos honorarios do equipo redactor. O primeiro paso será unha reunión co equipo e a elaboración dun calendario de traballo; outra coa Secretaría municipal e os técnicos municipais, para crear unha comisión especial formada por todos os grupos para ver qué se fai. En palabras de Gumersindo Galego, probablemente o proceso supere este mandato.
Co alclade de Fene falamos doutros temas que poden escoitar na entrevista que acompaña esta nova.
Publica o teu comentario agora