ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A pintura e os barnices escasean. Venderonse durante o confinamento e agora as empresas fabricantes que estiveron pechadas con ERTES non dan feito. Jorge Permuy de Comercial Comasa Maniños explícanos as razóns.
Pintura, barnices, masilla, emplastes…son productos que escasean estes días nos negocios que se dedican á súa venda. É o caso de Comercial Comasa. Durante os máis de dous meses do confinamento as instalacións de Maniños (Fene) permaneceron abertas e esgotaron todo o que ten que ver cos retoques nos interiores das casas. Afirma Jorge Permuy, ao frente deste negocio xunto do seu irmán, “a xente tirouse a este tipo de amaños nas casas para matar o tempo” . Qué ocorre agora? que a maioría das empresas que os sirven estiveron pechadas con ERTES e agora non dan feito. A maioría das fábricas están en Cataluña ou en Pontevedra pero non poden facer as pinturas pola falta dun dos componentes que ven de fora. Así que “toda esa cadea rompeuse e daí a escasez dese tipo de productos que está a facer que a desescalada estea resultando rara”.
Comercial Comasa decidiu permanecer aberta durante toda a pandemia a pesar de que os primeiros días todo era incertidume. “Falamos con todos os organismos oficiais e non sabían que decirnos, así que nós acollímonos á orde que permitía vender a autónomos e profesionais e as vendas funcionaron moi ben. Ademais Comasa puxo en marcha un servizo a domicilio polas tardes que tamén resultou, porque a xente temía sair da casa. Un servizo que siguen mantendo aínda que diminuiu nas últimas semanas desde que os clientes xa poden sair con normalidade.
O tipo de productos que se venden agora na desescalada son os relacionados co xardín. “Antes a xente ocupouse do interior e agora que ven o verán, do exterior” aclara Jorge Permuy. Mangueiras, terra, tarimas, etc, son agora os productos estrella que vende Comasa que recuperou o horario habitual. Queda solventar o problema de abastecemento porque hai só 15 dias que abriron as empresas e os comerciais non dan abasto. "A distribución en xeral vai lenta porque primeiro atenden as grandes áreas comerciais e despois a nós" dí Jorge, resignado. Comasa ten unha segunda tenda na avenida Marqués de Figueroa en Perlío.
Publica o teu comentario agora