Pouliquén explica o auxe da agricultura ecolóxica, pola "crecente preocupación polo que se come, demándase maior seguridade do que se mete no estómago e medra a preocupación tamén polo medio ambiente". Segundo o técnico agrícola, "a horta da casa, unha parcela de cultivo ou un prado, son anacos da natureza. Se queremos colaborar coa natureza, debemos tentar imitar ao máximo posibel o que pasa de xeito natural.

Xan Pouliquén, é un dos monitores do curso sobre agricultura ecolóxica que a vindeira semana comeza no Concello de San Sadurniño (A Coruña). É o autor do libro Horta ecolóxica na Galiza. Guía práctica para o cultivo. (Baía edicións. 2005).