Tamén se presenta a Mesa Local de coordinación interinstitucional contra a violencia de xénero.

A mesa é un instrumento operativo no que están representados todos os ámbitos municipais implicados directa ou indirectamente na loita contra a violencia de xénero. Dela forman parte representantes políticos e técnicos do Concello, o responsable de coordinación do Centro de Saúde, o sarxento da Garda Civil e a orientadora do CPI. Os seus obxectivos son varios, pero entre eles destaca o traballo para detectar de forma anticipada casos de violencia de xénero, afondar na prevención, artellar mecanismos que axilicen a atención e acompañamento das vítimas, incidir na protección das que se atopen en situacións de alto risco e tamén informar e sensibilizar tanto a profesionais como á poboación en xeral.

O último evento programado con motivo do 8M, Día Internacional da Muller, desenvolverase na Casa da Xuventude o venres 12 de abril ás 20.00h. Presentarase “Feminicidio. Unha nova orde patriarcal en tempos de submisión” de Carme Adán .