ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O sol do meiodia restableceu parcialmente a normalidade nas estradas de boa parte de Galicia. A AP 9 e a A 6 foron dúas das vias de comunicación polas que non se podía circular ou se facía con moita lentitude. Houbo incidencias en máis de 50 viais con varias colisións en cadena e moitos lugares aillados. Protección Civil recomenda evitar os desprazamentos salvo casos de imperiosa necesidade.
A Garda Civil de Tráfico mantivo cortada a AP-9 durante as primeiras horas da mañá deste venres entre os quilómetros 16 e 68, isto é practicamente entre A Coruña e Santiago de Compostela, debido á presenza de importantes placas de xeo. O tráfico puido ser restablecido sobre as 11.00 horas.
A AP-9 xa presentou problemas durante a noite pola presenza de placas de xeo formadas polas baixas temperaturas dos últimos días en Galicia.
Ademais, a DXT cortara a A-6 á altura de Culleredo (A Coruña) por neve e placas de xeo. Con todo, Tráfico informou de que preto das 10:00 horas abriuse o carril da A-6 en dirección a Madrid, polo que quedaron ambos os sentidos abertos á circulación.