Unha filla desta parella e o seu marido pediron un crédito hipotecario para unha vivenda.Dentro do primeiro ano de vida do credito o marido faleceu, e a aseguradora non executou o seguro de vida vinculado ao préstamo. Entón o BBVA ante o temor de non cobrar  “obrigou” á filla a presentar uns avalistas. Esta levou aos seus pais para avalar eses cartos coa vivenda familiar destes.

Cando eles entraron no BBVA para facer de avalistas para o crédito da filla saíron do banco como si eles fosen os prestatarios, como si eles foran os que recibiron eses cartos. Ningún dos dous apenas sabe ler, motivo polo que para o BBVA foi, segundo denuncia, realmente fácil facer esta estafa. Manuel é un señor enfermo que depende de oxíxeno para respirar, e a muller tamén ten graves problemas de saúde. Quedar sen vivenda e botalos á rúa coa súa idade e cos problemas de saúde que teñen, sería condena-los á pobreza absoluta e a súa exclusión social.

A Rede de Apoio Mutuo de Ferrol Terra, conformada pola Comunidade Veciñal da Torre-I, veciñas e veciños, sindicalistas, asociacións culturais e sociais do barrio, varios partidos políticos, convocan unha concentración solidaria mañán martes, 25 de setembro, ás 11 da mañá diante da sede principal do BBVA na Praza do Callao en Ferrol.
E o venres, 28 de Setembro, o dia do desaucio, outra concentración, ás 11 da mañá en Caranza, nas Rosas. Na praza que hai diante da Torre-I, Portal 9, da Rúa Alcalde Quintanilla.