No minuteiro deste reloxo de fantasía para nenos e nenas o tempo pasa veloz grazas a colaboracións doutros artistas da escena musical galega, como Xabier Díaz, Guadi Galego, Carmen Rey ou Route. Do limiar encárgase o antigo líder de Radio Futura Santiago Auserón e do epílogo o ex Diplomático e Xurxo Souto, agoras nos Tres Trebóns. No medio de todos eles fican Marc Taeger, quen empregou a traballosa técnica do linogravado para conseguir a estética precisa para “Tic-Tac”, e Pablo Díaz, quen agarda que o proxecto, a súa obra prima en solitario, sirva para cubrir o oco que existe na música infantil en galego.