O Universitario Ferrol gañou onte en Esteiro ao Pabellón de Ourense por 67 a 49. A falta dun partido que se disputará na xornada de hoxe, o Uni colócase na cuarta posición da clasificación xeral con 16 vítorias e 6 derrotas acumuladas. O vindeiro encontro das ferrolás será o sábado en Lugo ante o Ensino, un equipo que se atopa na parte de abaixo da táboa con problemas e que suma só catro vítorias e, nada máis e nada menos, que 18 derrotas. Pola súa banda o Ferrol, CB gañou en Chantada ao equipo local por 59 a 61. A falta de tres partidos que se xogarán na xornada de hoxe domingo, o equipo de Félix Ramos ocupa a terceira posición da liga con 12 vítorias e 9 derrotas acumuladas.