“Galicia é a terra da tarde, o occidente, solpor, ocaso, a fisterra de Europa” afirma Iglesias. Cando Bieito era novo, ia montado dacabalo co seu avó a unha tenda na que vian na televisión “Bonanza”. Misturábase así a tradición máis rural da periferia de Ourense, coa fantasía aportada pola televisión.

Contos e relatos

“O conto canónico é o que ven de Poe. Nel o importante é o final como a vitoria por K.O. Pero os meus relatos son en realidade novelas ás que se lle amputaron 400 páxinas. O lector coopera e restaura aquelo que se omitiu.” segundo o  autor de Contos da terra da tarde,volume de Editorial Galaxia que recolle 18 relatos que expresan un certo pesimismo sobre a identidade galega. “Tiña millo vello no hórreo”, afirma Bieito Iglesias á hora de xustificar a saida ao mercado deste novo volume.