ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Dous atracadores cometeron esta mañá un espectacular roubo na sucursal de Banesto en Negreira. O botín podería superar os 90.000 euros, ainda á espera do arqueo que realizan empregados da entidade bancaria.O suceso ocorreu pouco antes das oito da mañá e non hai que lamentar feridos. A Garda Civil investiga o caso, e utilizou ao longo da mañá un helicóptero para intentar localizar aos atracadores.
Unha parella de individuos esperaron na súa vivenda do Milladoiro ó traballador que tiña a chave da sucursal, onde o levaron no seu propio vehículo. Unha vez alí, entraron con el e esperaron a que chegase o resto do persoal. Os dous individuos, un deles con acento estranxeiro, retiveron nun cuarto ós traballadores, encanonándoos con armas e ameazándoos con que tiñan ás súas familias vixiadas.
Os ladróns esperaron o retardo da caixa de caudais e en dez minutos "limparon" o banco. Segundo fontes consultadas, o montante do roubado podería superar os 90.000 euros. Os atracadores fuxiron no propio vehículo do traballador que lles abriu porta da sucursal baixo coerción.