O goberno de Galicia preocúpase pola formación do profesorado poñendo en marcha o Centro Autonómico de Formación e Innovación, o CAFI, un edificio que funcionará como núcleo central dunha estratexia que trata de cubrir as novas necesidades do profesorado de hoxe en día, supoñendo un aforro que o Conselleiro de Educación e Ordenación Universitaria, Xesús Vázquez Abad, cifra en torno a uns 800.000 euros ao ano. 

Este centro, cuxo traballo verase complementado co de outros seis centros nas principais cidades galegas e outros 28 no total da comunidade, permitirá focalizar a atención en distintas áreas que hoxe afectan ao profesorado, principalmente a multiculturalidade, a integración, a aprendizaxe de novas linguas, e a introducción das TICS, tratando de chegar ao maior número de poboación posibel.