O Comité Cidadán Antisida ve con preocupación os plans da Xunta de restrinxir o catálogo de medicamentos xenéricos. A medida anunciada a prol do aforro no gasto farmacéutico pode ter efectos nocivos na adherencia ao tratamento dos contaxiados polo VIH, aseguran. A eliminación de certos fármacos podería supor que algúns pacientes tivesen que pasar de consumir unha a varias pastillas e o Comité reclama garantías sobre a equivalencia na composición das diferentes menciñas.