Respecto desta última bandeira, a concedida a un dos tramos da praia de Barraña (Saltiño – Barraña – Esquerda; a parte de Saltiño cara a Cabo de Cruz), informar que o goberno de Boiro acordou non izala con motivo das molestias que causan as obras de substitución do saneamento que está a levar a cabo Augas de Galicia. O executivo quere deixar claro que as obras non afectan ao areal e en absoluto interfiren na calidade das augas, a area ou os servizos que se prestan, pero si hai outras molestias como ruídos ou polvo que, cremos, deteriorarían a imaxe da Bandeira Azul de ser colocada, polo que entendemos que é más coherente colocar o distintivo o vindeiro verán, pois estamos seguros de que seremos merecedores, unha vez máis, desta distinción. Esta decisión do goberno foi comunicada oficialmente a Adeac, quen informou favorablemente e comprendeu dita decisión municipal.

Por outra banda, o Concello de Boiro quere destacar que todos os socorristas que prestan os seus servizos nas praias do municipio están en posesión do título de socorrista, ademais de ter superadas as probas físicas que estipula a lei, pois así o marcan tanto as directrices de Q de Calidade como as de Bandeira Azul.