As ruas a engalanar son as mesmas de todolos anos, en total arredor dun Km de adornos coas flores que os veciños e veciñas foron recollendo dias atrás. Cada tramo é responsabilidade dun grupo que compite sanamente cos demais, un traballo solidario que arrastra ás veces ao visitante a acabar cos xeonllos no chan poñendo o seu grao de area. Area, cunchas, graos de café, e outros elementos amais das flores e do verde sirven para confeccionar as alfombras florais de Ares que cada ano son un reto, segundo manifestacións do alcalde aresán, Julio Iglesias, a Radiofusión. Na noite de sabado confecciónanse as alfombras de Ares, ata ben entrada a madrugada. Unhas horas despois, o domingo ás 5 da tarde, a procesión do Corpus pásalles por riba, daí que “o efímero, por tal, confirelle máis valor ás cousas”