Pero os traballadores saben que a empresa é do Goberno Central e que é necesaria a sua convicción e o investimento principal, ainda que á xuntanza desta mañán non asistiu o conselleiro delegado da compañía, Luís Cacho, a pesar dos convites que lle lanzou o alcalde de Ferrol.

A rentabilidade do dique flotante é incuestionable para os comités de empresa. Serviría para paliar a falta de traballo que dentro duns meses, cando rematen as construccións para Australia, poderían padecer os estaleiros galegos. O presidente do comité de empresa de Navantia Ferrol, Fernando Sinde, manifestou non entender moi ben a qué se refire o Conselleiro de Industria cando fala de “apoio subsidiario”.

As cifras do departamento de reparacións son positivas nos últimos anos nos que está absorvendo traballadores das auxiliares que, en caso ocntrario, se verían abocados ao paro. Os sindicatos teñen claro que se non nos movemos e nos dotamos do dique, virán outros e se levarán o gato á auga. De momento o proxecto queda en suspense.