A cinta, dividida en 5 partes, embarca ao espectador nunha viaxe pola traxectoria profesional e persoal do autor de Memorias dun neno labrego ou Querido Tomás. Relátase a infancia do autor en Gres, o seu traballo na emigración ou o regreso a Galicia. O director do documental, Pablo Iglesias, explicou en Radiofusión que se trata dun filme “moi testemuñal” que afonda na personalidade de Neira Vilas a través da súas propias palabras e das da súa muller, Anisia Miranda.

X.N.V. Memorias dun emigrante estréase este mércores no Teatro Principal de Santiago nun acto que servirá tamén para render homenaxe ao escritor. Representantes da Consellería de Cultura e dos concellos de Santiago de Compostela e Vila de Cruces entregaranlle unha placa en recoñecemento do seu traballo a prol da literatura galega. Ademais, o grupo A Quenlla interpretará ao vivo algúns dos poemas musicados de Neira Vilas.