O escritor Xaime Delgado presenta o libro “A Biblia na iconografía pétrea lucense”

O escritor Xaime Delgado presenta o libro “A Biblia na iconografía pétrea lucense”

27 de Xullo, 2010 - 12:00 h. | Publicada por Radio Lugo

A publicación do escritor natural de Taboada céntrase no estudo profundo de 27 obras de arte de diferentes puntos da provincia de Lugo.

O vicepresidente da Deputación, Antón Bao, participou na presentación do libro de Xaime Delgado onte pola tarde. Quixo agradecer o esforzo investigador do escritor e destacou a importancia da obra “que nos aporta un gran coñecemento sobre a arte da nosa terra”.

O autor, natural de Taboada, párase en “A biblia na iconografía pétrea lucense” a analizar os aspectos históricos, arqueolóxicos, iconográficos e iconolóxicos dun total de 27 obras de arte espalladas por Lugo. A Adoración dos Reis Magos nun capitel de Balboa, en Monterroso, A “Piedade” do badalquino no Museo Provincial de Lugo ou O “Cristo Pantocrátor” de Portomarín cos 24 anciáns da Apocalipse son algunhas das xoias da arte paleocristiá de Galicia.

A publicación foi editada polo Servizo de publicacións da Área de Cultura da Deputación.

Sociedade