ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Mil douscentos nenos e nenas participaron nos Xogos da Mocidade de Fene en 1984. Era a novena edición das “olimpíadas” que pretendían reclamar instalacións deportivas. Uns dias despois dos Xogos, visitou Fene o conselleiro de Turismo e Deporte da Xunta de Galicia Manuel Angel Villanueva Cendón. O membro do goberno (de Alianza Popular) gabou o labor da Corporación no terreo deportivo e prometeu axuda nesa materia.
O concello reclamoulle a construción de pistas polideportivas nas parroquias, un pavillón polideportivo cuberto e unha piscina municipal. O orzamento dos Xogos da Mocidade daquel ano 1984 alcanzou os 2.200.000 pesetas, segundo indicaba o edil de Deportes Xosé Manuel Martínez Fraguela. Competiuse en xadrez, tiro, balonmán, fútbol sala, judo, tenis de mesa, halterofilia, natación, piragüismo, atletismo, ciclismo e baloncesto, nas categorías masculina e feminina. Houbo tamén unha exhibición de voleibol. Equipos de todas as parroquias de Fene competían entre eles nun evento inaugurado por un desfile olímpico. O movemento asociativo impulsou a iniciativa e logo lle cedeu a organización do evento ao Concello de Fene. A denominada primeira "Olimpiada da Mocedade do Concello de Fene" celebrouse en 1977.
Publica o teu comentario agora