Os 8 xardíns realizados polos paisaxistas portugueses Francisco Cabral e Elsa Severino están causando unha valoración moi positiva nos visitantes. Ademais moitos dos asistentes participan na elección do xardín máis votado que permanecerá un ano máis no Festival Internacional de Xardíns.O funcionamento da noria de 19.00h a 22.00h coa tracción do burro Samir é outra das pezas que suscita máis curiosidade.

Así mesmo son moitas as consultas formuladas sobre a edición do ano 2001 e a posibilidade de presentar proxectos que baixo o concepto “A moda no xardín”, teñen ata o 15 de novembro aberto o prazo de inscrición.