Colomán Rodriguez naceu en 1932 e deu os seus primeiros pasos no mundo da gaita en Ferrol. De regreso a Quiroga, seguiu coa rutina da música con outros gaiteiros da zona. É un dos últimos músicos das ribeiras do Sil e do Lor que garda os temas e a forma de tocar propia da zona. As súas interpretacións recóllense no cancioneiro musical de Quiroga. A homenaxe incluirá unha entrega de distincións, recital de poemas e actuación dos colaboradores de Amigos do Filandón.