O Grelos Western, o novo xénero cinematográfico de produción galega

O Grelos Western, o novo xénero cinematográfico de produción galega

19 de Novembro, 2010 - 12:00 h. | Publicada por Radio Redondela

O western "naipe de sangue" do director galego Manxo Fernández poderá verse mañá sábado, ás oito do serán, no Centro Cultural Chan das Pipas na parroquia de Saxamonde (Redondela). O pase enmárcase dentro do ciclo "Cinema con autor".

Este ciclo pretende, cun formato de cinema-coloquio, dar a posibilidade á poboación de conversar cos creadores do audiovisual galego ao tempo de ofrecer aos autores a oportunidade de contactar directamente co público. 

A proxección será ás 20:00 horas no centro cultural Chan das Pipas coa  primeira metraxe dun novo xénero o Grelos Western. A película que poderán ver os asistentes é "Naipe de sangue" unha historia de vaqueiros solitarios, vinganza e amor protagonizada por Silvia Superestar e Eladio Santos. Os que se acheguen contarán coa posibilidade de conversar cun dos seus directores, Manxo Fernández.

Cultura