“Os pintores non teñen recordos” é unha adaptación dunha obra de Darío Fo que fala das tolemias que o ser humano é capaz de facer por amor e de cómo resolver os problemas da maneira máis absurda e casual. A peza está protagonizada por Marcelino Bermúdez, Franciso Graña, Luz Ramos, Margarita Area, Antonia Álvarez e Alfonso Ramón.

O Grupo de Teatro de Maiores de Narón leva varios meses ensaiando e preparando esta obra que se estrea mañá e que servirá para pechar o programa de atención ás persoas maiores, pensado para mellorar as condicións de vida deste colectivo a través de actividades coma o teatro.