Raúl Rodriguez Álvarez, Brais Pena Verdes, Rubén Carballeira Cabana, Adrián Vidal Ónega, Antonio Fernández Rico, Xacobo Grande Pernas e Iria Portela Comba foron os grandes protagonistas do fin de semana ao gañar este importante certame na categoría de Alevín A. Para Víctor Méndez Vales, Elena Casanova Fernández, Valeria Fuenteseca Legide, Silvia Moreno Campo, Silvia Soto Carballeira e Sonia Cobas Rico, do Benxamín A, quedou a prata, mentres que tan só tres décimas separaron ao Benxamín B do Jansu de subir ao podium e facerse co bronce.

Éxito de Janice López e David Ansede

Por outro lado, os loitadores do Moo Duk Kwan de Vilalba, Janice López Castelo e David Ansede Carballeira, foron convocados pola federación galega de Taekwondo para unha concentración da categoría cadete que se celebrará este fin de semana nas instalacións do Centro Galego de Tecnificación en Pontevedra, co fin de formar aos membros da selección autonómica que participará próximamente no Open de España en Alacante e no Open de Alcobendas.