O estaleiro de Ferrol acelera os traballos a bordo do LHD "Juan Carlos I", coa intención de non acumular maior atraso na entrega do navío á Armada española. De cumprirse as previsións actuais, en outubro ou novembro fará as probas de mar definitivas, con responsables da Armada a bordo A botadura do "Juan Carlos I" celebrouse o 10 de marzo de 2008 e naquel momento apuntábase que faría falta outro ano para a súa entrega.

Trátase do barco de maior porte da historia da Armada española, con preto de 231 metros de eslora e un puntal de 27,5. Na súa silueta destaca a cuberta para o despegue de avións, con doce grados de inclinación, similar á do portaaviones "Príncipe de Asturias". As capacidades do LHD, con todo, son maiores. O buque está deseñado para levar ata 30 aeronaves, desembarcar lanchas pola súa dique inundable e transportar gran cantidade de tropas e vehículos. Ademais, conta cun completo hospital, con dous quirófanos, que o fan útil en misións humanitarias. O “Juan Carlos I” sairá a probas de mar o vindeiro martes durante 3 dias.