Segundo información oficial da Consellería do Medio Rural, o incendio das fragas do Eume afectou a 750 hectáreas -500 de monte arborado e 250 de monte baixo- nas zonas de Cabalar e na Capela. Aos traballos de extinción sumáronse 115 efectivos da Unidade Militar de Emerxencias. "No se ha tardado en actuar pero hay que entender la tensión de los vecinos" manifestou o presidente da Deputación de A Coruña Diego Calvo, para xustificar a indignación cidadán posta de manifesto nas protestas diante do presidente da Xunta e da conselleira do Medio Rural. "Estamos en mellores condicións que onte pola tarde" afirmou o conselleiro de Infraestructuras Agustín Hernández, quen, non obstante, apelou á prudencia á hora de valorar a evolución do lume nas vindeiras horas, dacordo coas condicións meteorolóxicas.