Como unha iniciativa paralela poderíase definir Prolingua, iniciativa que desenvolverá a súa primeira asemblea ás 11 e media da mañá de mañá sábado na Facultade de Filoloxía de Compostela. Están convidadas tanto as persoas integrantes de ProLingua como todo aquel que queira saber o que significa. Segundo explicou un dos seus impulsores e unha das persoas que estarán presentes nese acto público, Xabier Docampo, no acto presentaránse as primeiras accións que levará a cabo a plataforma. A súa característica común será "a mobilización da lingua galega en Galiza", e demostrar que "os que renegan dela son unha minoría. Os que temos unha lingua propia e queremos que se potencie somos unha maioría".