ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Máis de cento corenta persoas espéranse este sábado na Séptima Ruta Cabalar de Magalofes. “O mundo do cabalo padeceu moito a crise económica pero se vai recuperar” manifestan Miguel Galego e Cristina Otero, que forman parte da organización dun evento que veu cubrir o papel que antes xogaba a Festa do Cabalo.
A ruta sairá o sábado ás dez da mañá do local social de Magalofes e percorrerá uns vinte quilómetros por camiños da parroquia, de Cabanas e da Capela. A media mañá haberá unha parada e un refrixerio en Formariz e todo rematará cun xantar e un baile arrufado polo dúo Horizonte. O menú inclue paella, churrasco, crioulos, cachelos, postre, café e chupito. Todo polo prezo de vinte euros.
Ruta e festa do cabalo
A Festa do Cabalo celebrouse en Magalofes durante vintedous anos (1990 -2012). Reunía os últimos domingos de agosto a máis de sete mil persoas na campa das Queiras. Achegábanse a Fene a práctica totalidade dos afeizoados ao cabalo de toda Galicia. A iniciativa era posible polo esforzo da veciñanza de Magalofes que colaboraba activamente na organización. Ao longo de todo o día, programábanse concurso de beleza e estampa, cabalo galego do monte, pura raza española. Tamén probas de arrastre, andadura galega, enganches e carreiras, ademais das exhibicións do doma de alta escola e vaqueira. A organización corría a cargo da Asociación Veciñal de Magalofes coa colaboración do Concello de Fene.
Publica o teu comentario agora