O Museo de Lugo programa un concerto do Conservatorio de Vilalba

O Museo de Lugo programa un concerto do Conservatorio de Vilalba

21 de Xullo, 2009 - 12:00 h. | Publicada por Radio Lugo

Os alumnos do Conservatorio Profesional de Vilalba ofrecerán hoxe un concerto no Museo Provincial de Lugo, a partir das 20.30 horas, como parte das actividades de complemento da mostra “Xoán Guerreiro. Aluguer de soños”, organizada pola área de cultura da Deputación Provincial. A entrada será libre e gratuíta.

O programa comezará coa actuación do trío de frautas formado por Raquel Gómez Pernas, Noemí Rouco e Estefanía Sixto, que interpretarán Pieces pour 3 Flute, de Raymond Guiot.

 

 

A continuación subirán ao escenario o trío de guitarras que compoñen Rocío Barro, Antía Veres Gesto e Celia Méndez, que tocarán tres pezas populares sudamericanas que levan por título Cançao, El Cachimbo e Faz hoje un ano.

 

O relevo chegará da frautista Paula Rouco e da guitarra de Antía Veres ao interpretar as cancións Paçoco, Quebra-queijo e Algodao doce; antes de finalizar co dúo de saxofóns integrado por Antonio Prieto Cuba e Sara Rivas López, que levarán a cabo un Scherzo de Joseph Haydn; os Allegro, Deh vieni alla finestra e Giovinette che fatte all´amore, de Mozart; e o primeiro tempo da 5º sonata de Coupertin.

Cultura