O Museo Provincial inicia hoxe a XVII edición das Xornadas Pedagóxicas

O Museo Provincial inicia hoxe a XVII edición das Xornadas Pedagóxicas

02 de Xuño, 2009 - 12:00 h. | Publicada por Radio Lugo

A XVII edición das Xornadas Pedagóxicas co-organizadas pola Deputación de Lugo, o Museo Provincial, o Centro de Formación e Recursos (CFR) e a Consellería de Educación, darán comezo hoxe, a partir das 17.00 horas, no propio edificio do Museo. Estas xornadas levarán o título "O museo como aula: Recursos, experiencias e propostas" e desenrolaranse ata este xoves 4 de xuño.

A sesión inaugural empezará entregando a documentación para, sobre as 17.15 horas, proceder á súa apertura oficial. Quince minutos mais tarde será o tempo da primeira das conferencias, que correrá a cargo do responsable de Desenvolvemento Educativo do Museo Thyssen-Bornemisza, Rufino Ferreras, baixo o título “EducaThyssen: Un museo para achegarse ao coñecemento da arte”.

 

Ás 19.00 horas será a quenda para o segundo relatorio. Daniel López Vispo, profesor de ensino secundario, aportará a súa propia experiencia na charla “Un profesor de Física e Química no Museo provincial de Lugo”.

Os obxectivos perseguidos polos organizadores a través desta actividade son a exploración e a análise das posibilidades didácticas dos recursos do Museo Provincial e dos outros museos da Rede Museística da Deputación de Lugo; darlle a coñecer ao profesorado as estratexias de uso destes recursos e fomentar o intercambio de experiencias entre os mestres e os traballadores de museos. Así, búscase contribuír á formación permanente do corpo docente que imparte ensinanzas de nivel non universitario e á dos traballadores dos departamentos de educación, didáctica, difusión e comunicación dos museos.

Este evento está coordinado por Marta Arias López e Antonio Reigosa Carreiras e nel participarán Profesorado de educación infantil, primaria e secundaria (convocatoria do CEFORE- Lugo).

Cultura
  • 132 lecturas