ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A escritora Xohana Torres morreu en 2017. Poucos meses antes traballou na edición do libro “Teixido. San Andrés de Lonxe. Mitos e ritos”. Fixo emendas, suxeriu fotografías e imaxinou como tiña que aparecer nas librarías. Púxolle unha paixón e unhas gañas como se fose seu primeiro libro. Trátase dunha viaxe ao mundo antigo a través dos seus mitos, remedios e ritos. Os textos posúen a tensión lírica de quen tiña o privilexio de falar creando versos. As fermosísimas imaxes de Xulio Xil retratan a paisaxe e a maxia de Teixido. Xohana Torres foi unha escritora inmensa, que abriu camiños e transitou por todos os xéneros.
San Andrés de Teixido sorprende despois de atravesar a serra. Aparece alá embaixo, nun casal, coma nun berce inmovente. A ermida érguese a case douscentos metros sobre o mar: velaí o avante da serra da Capelada brava e ríspida. Dende a tranquilidade da chanzada non se ven os cantís a pico que se erguen, recúan, seguen unha vez e outra o seu proceso de loita contra o mar. E indica Xohana Torres: “Pero o mar de San Andrés é outro: é un moi vello país de mortos do que podemos volver, e volver novos, en paz, ao noso destino no reino das sombras”.
O libro de Xohana Torres publicouno Engaiolarte Edicións en 2017.
Publica o teu comentario agora