O antropólogo Emilio Santiago afirma que os de abaixo podemos vencer na próxima década, que se antolla decisiva. Para iso aposta polo Green New Deal, ou o Novo pacto verde.

Dado a coñecer globalmente por Alexandria Ocasio-Cortez, o Green New Deal é un ambicioso programa de intervención pública e mobilización social. Intenta frear os peores desmáns do nihilismo ecolóxico e social neoliberal. Pode converterse na chave mestra dun proxecto político ecoloxista de maiorías, capaz de plantar cara á destrución da vida e de gañar un futuro mellor para todos os habitantes do planeta.

O quencemento global avanza a un ritmo insospeitado. A pesar de que hai máis de medio século que temos consciencia no problema climático, preto do 50% das emisións producíronse nos últimos trinta anos.