O Perlío canta medio-alirón no derbi fenés

O Perlío canta medio-alirón no derbi fenés

11 de Abril, 2010 - 12:00 h. | Publicada por

O Perlío gañou ao Barallobre e esta tarde cantou “medio alirón”. A súa vítoria ante o veciño, o Barallobre e a derrota doutro veciño, o Maniños, no campo municipal de Os Calzados deixa a liga aos pés do Perlío. O conxunto de Os Pinares suma 9 puntos de diferencia con respecto ao Maniños. Quedan 12 puntos en xogo e o Perlío podería cantar o alirón o domingo que ven ante o Mugardos B.

Os goles do Perlío foron obra de Fornos, o primeiro e o terceiro e de Pelé o segundo. O primeiro tanto chegou no minuto 7 de partido. Pelé anotou no 25. O Barallobre xogou dende os primeiros minutos con 10 futbolistas por expulsión de Iván. Con 2 a 0 chegouse ao tempo de descanso. Na segunda parte Alberto Fornos sentenciou o partido no minuto 26. Ademáis, Fornos afiánzase en solitario como “pichichi” da competición, por diante de Chispi do Ortigueira que hoxe non anotou. Nos Calzados, o Maniños non poido co Capela e perdeu por 3 a 1. O primeiro tanto do partido marcouno o Maniños co gol de David Alvarez. Corría o minuto 18 de partido. O Capela empatou co tanto de Rubán no minuto 35. Con empate a un gol chegouse ao tempo de descanso. Na segunda metade os goles de Diego no 17 e de Alex no 39 deron a vítoria ao Capela.

Deportes
  • 82 lecturas