Segundo o secretario de Sanidade socialista, Miguel Ángel Fernández, trátase dunha situación común na que “lle din a un paciente que xa fora derivado ao especialista, que ten que volver ao médico de atención primaria para que confirme si ten que ir ao especialista ou non”. Isto confirmaría o peche das listas de espera na atención especializada para ofrecer mellores datos pero estaría a provocar o medre da espera en atención primaria. Fernández afirmou que hai 250.000 galegos agardando por unha primeira consulta de especialista, 120.000 por unha proba de diagnose e 50.000 por unha operación, polo que critica que dende a Xunta se amose “satisfacción” pola xestión do Sergas.

O PsdeG sostén que o investimento da Xunta en sanidade reduciuse en 70 euros por persoa no último ano, situando á Comunidade no posto 11 desa clasificación no conxunto do Estado.