Tamén apostan pola investigación como instrumento fundamental para unha pesca sostible medioambientalmente e economicamente rendible, un apoio a comercialización dos diversos productos da pesca e do marisqueo galegos e das súas industrias transformadoras, e dotar as empresas acuícolas de terreos públicos onde instalarse.
Soneira di que tamén pretenden aspirar a facer transparentes e visibles os investimentos en Portos de Galicia xa que, nos orzamentos de Feijoo “non solo son opacos e escuros se non que están deseñados para utilizados no que mellor sabe facer o Partido Popular que é o caciquismo”, sentenciou.
Explica que as emendas do PSdeG-PSOE propoñen a recuperación do seguro colectivo de accidentes no mar e do seguro de mal tempo, por un importe de un millón douscentos mil e un millón de euros respectivamente. Di que serve para seguir dando protección as preto de trinta mil persoas que traballan e viven do mar en Galicia. Denuncia que o Partido Popular e a Xunta de Galicia nun xesto de insensibilidade e de soberbia indescritibles “deixounos desprotexidos”.
A deputada socialista argumenta que a partida destinada a un maior volume de recursos refírese ás medidas de apoio a flota costeira artesanal, tanto para a súa modernización, como para o acceso a tonelaxe e potencia que facilite a regularización das embarcacións excluídas do último proceso posto en marcha. Por outra banda tamén destacan as partidas destinadas a medidas de seguridade no emprego, formación e equipamentos pesqueiros. Sinala que o importe destas emendas supoñen 4.475.358. Ademais as vinculadas con este mesmo sector, incorporamos 300.000 para subvencionar a Seguridade Social das redeiras, e o turismo mariñeiro o que destinan 500.000.
A portavoz de pesca subliña tamén as emendas para recursos en investigación, advirte que “caen de maneira importante nos orzamentos de Feijoo”. Asegura que a proposta socialista pasa porque se incrementen en nun millón e medio de euros, sobre todo naqueles aspectos que incidan no aumento de productividade das rías e bancos marisqueiros.
Explica que hai outra partida destinada a adicar recursos, por un importe de mais de 2.400.000 euros, aos Plans do cerco, Conserva, Conxelado e Mexillón, e de 2.500.000 euros á comercialización e promoción do Peixe de Día, do Gran Sol, da Flota Artesanal, do Litoral, da Acuicultura, do Conxelado e Precociñado.
Outros campos de actuación son: paros biolóxicos, recuperación de zonas cualificadas como C e producción de semente de bivalvos, dotadas cada unha delas con un millón de euros. Igualmente mobilizan dous millóns de euros para adquirir terreos de titularidade pública destinados a acuicultura en terra, 500.000 euros a proxectos piloto en rías e comarcas con niveis de renda por debaixo das medias galegas, ou o aumento da partida de cooperación internacional en 210.000 euros.
Portos de Galicia
Pola súa banda o portavoz de Portos, Manuel Gallego propón mobilizar mais de dezaseis millóns de euros asignándolles proxectos concretos ante a indefinición que propón a Consellería do Mar. As infraestructuras para investir serian as seguintes: nova lonxa en Cangas, ampliación peirao de Burela, edificio Peirao Cabo de Cruz, contradique porto de Fisterra, ampliación atraque en San Adrián de Cobres, plan mellora Porto de Aguete, o Estudio ampliación novo peirao de Panxón, o acondicionamento do porto de Canido-Vigo, a Remodelación do borde interior do porto de Porto do Son, a ampliación porto de Campelo e do porto de Xufre. E o acondicionamento do peirao das Cabeceiras en Pontevedra.
