As localidades de Ares e Mugardos amosaron o seu interese en poder utilizar as instalacións localizadas en Vilar do Colo. A proximidade dos termos municipais de Ares e Mugardos, comunicados pola vía rápida con Vilar do Colo, facilitaríalles a xestión dos residuos que se tratan nos puntos limpos. Esa posibilidade abarataría custe aos concellos que iniciaron este proxecto. A Xunta licitou o pasado mes de xullo as obras do punto limpo de Fene e Cabanas por un importe de 240.000 euros. O Punto Limpo ten capacidade para dar servicio a 40.000 habitantes. O alcalde de Fene, Gumersindo Galego, agarda que no mes de outubro quede zanxada a xestión do punto limpo.