Outros dos puntos na orde do día será a exposición aos asociados do orzamento definitivo para o presente ano 2010 que inclúe, como é habitual, varias accións en colaboración co Museo así como outras actividades como viaxes culturais a realizar neste ano.

Ademais, na propia asemblea presentarase o número 19 do Boletín CROA correspondente ó ano 2009, que é o órgano de expresión científica e de difusión cultural do Museo e da súa Asociación de Amigos. Neste número, que é o máis extenso desde que a publicación se iniciara en 1991, inclúense varios artigos relacionados cos últimos traballos de escavación e consolidación levados a cabo no Castro, diversas colaboracións sobre temas etnográficos chairegos e, así mesmo, varios aportes sobre temas lucenses como o Rei Chiquito ou o proxecto construtivo orixinal do Cuartel de San Fernando, ademais doutras seccións habituais na revista.