As destitucións deberán producirse en breve, tendo en conta que no auto de execución de dicha sentencia solicitado pola CIG o TSXG daba ao alcalde un mes para proceder en tal sentido, con advertencia expresa da imposición de multas ao rexedor no caso de non facelo. O Concello deberá repor nos seus postos a quen eran titulares de ambas as prazas no 2012 -Javier Castiñeira e Inmaculada Viña-, antes de que o goberno de Conde Roa decidise a súa substitución por quen as ocupan agora.

Conde Roa dimitiu como alcalde en abril do 2012 tras ser imputado por un presunto delito contra a Facenda Pública. O seu sucesor, Angel Currás, dimitiu en xuño do 2014, ao ser imputado na trama de corrupción política coñecida como a Operación Pokemon. No seu lugar, o Partido Popular designou como alcalde a Agustín Hernández, terceiro alcalde na presente lexislatura.