Así, industrias e cooperativas comprométense a xeneralizar o sistema de contratos homologados para o pagamento do leite recollido nas explotacións. Utilizarase como base o contrato tipo homologado rexistrado oficialmente para o sector leiteiro español e recollido na correspondente Orde do Ministerio de Medio, e Medio Rural e Mariño (MARM).
En cada contrato individual que se subscriba figurará, obrigatoriamente, o prezo acordado entre gandeiro e subministrador e industria e comprador. Este prezo se definirá cun sistema de indexación que terá en conta, a falta de referencia nacional, a media anual dos prezos practicados noutros Estados membros, principais subministradores de leite a España, en particular Francia, tendo como referencia o publicado por l´Office de l´Élevage xunto co custo medio dos servizos de transporte. Tamén debe incluírse a duración temporal do acordo e as cantidades vinculadas por este.
A distribución valorará especialmente aos subministradores que teñan a súa orixe en provedores que acrediten o cumprimento das relacións contractuais ás que se refire o acordo.
Mentres, a distribución comprométese a utilizar todos os mecanismos ao seu alcance para garantir a calidade e a trazabilidade dos produtos lácteos, así como a realización dos controis necesarios.
Pola súa banda, o MARM acelerará a entrada en vigor do proxecto de Real Decreto que establece o sistema de trazabilidade. Desde a sinatura deste Acordo ata a entrada en vigor do citado Real Decreto, a distribución sinalará de forma destacada o leite e produtos lácteos procedentes de explotacións gandeiras españolas, sempre en función da información que lle fose proporcionada polo último subministrador e da que este acredite nas etapas anteriores da cadea.
Ademais, as partes asinantes do presente acordo constituirán un Comité de Seguimento, que permita impulsar a súa aplicación entre as organizacións asinantes, coñecer a súa evolución e realizar propostas para a súa mellora Definitions */ p.MsoNormal, li.MsoNormal, div.MsoNormal {mso-style-parent:\"\"; margin:0cm; margin-bottom:.0001pt; mso-pagination:widow-orphan; font-size:12.0pt; font-family:\"Times New Roman\"; mso-fareast-font-family:\"Times New Roman\"; mso-ansi-language:GL;} @page Section1 {size:612.0pt 792.0pt; margin:70.85pt 3.0cm 70.85pt 3.0cm; mso-header-margin:36.0pt; mso-footer-margin:36.0pt; mso-paper-source:0;} div.Section1 {page:Section1;} -->
.
As organizacións agrarias Xóvenes Agricultores (XX.AA.), Unións Agrarias (UU.AA) e a Asociación Galega de Cooperativas Agrarias (AGACA), valoraron “moi positivamente o acordo” e o cualificaron de “punto de inflexión para as reivindicacións a prol dun prezo xusto para os gandeiros”. Con isto, estas institucións pechan as mobilizacións iniciadas o día 13 de xullo e desconvocan as concentracións de tractores.
O punto de discordancia partiu do Sindicato Labrego Galego (SLG), que cualificou o acordo de “pantomima” e non firmou o acordo. A razón principal está en que “non se está a ofertar un prezo mínimo, ni por enriba, nin por debaixo dos custes”. Para a responsable do sector gandeiro do SLG, Lupe Prado, “non existe ningunha garantía de que vaian a pagarnos polo leite máis do que nos custa producilo”, polo que desde o sindicato non “consentirán” que as explotacións “segan endebedándose ata o peche”. Pola súa banda, Carme Freire, secretaria xeral da organización labrega, considerou que o verdadeiro interese é “desmobilizar un sector que leva meses de importantes accións reivindicativas, intensificadas nesta última semana”, e anunciou que seguirán movéndose “nas rúas” e “dando batalla nos despachos”.
