A esta conclusión chegaron distintos representantes do sector a nivel estatal que esta mañá se reuniron xunto co Conselleiro de Economía e Industria, Javier Guerra, quen asegurou que tanto o sector naval galego coma o español atópanse nunha encrucillada que debe solucionarse de inmediato. 

Non obstante, os presentes na reunión amosáronse relativamente satisfeitos e optimistas, á espera de que a resolución que piden ao goberno sexa favorable e permita que un sector estratéxico e de vital importancia histórica como é o naval, non desapareza e siga dando traballo tanto directo como indirecto a milleiros de persoas.