O segredo está na masa de Leo

O segredo está na masa de Leo

05 de Setembro, 2009 - 12:00 h. | Publicada por Radio Fene

Degustar comida autenticamente italiana xa é doado en Fene. A cafetería do Círculo de Fene, conta no seu ambigú cun chef siciliano Leo, quen prepara deliciosos pratos para os padais máis exquisitos. Ovos sicilianos, parmesana de Berenxena e sobre todo as famosas pizzas preparadas por Leo son algunhas dos praceres culinarios dos que podemos desfrutar.

A cociña de Leo conta con comida galega pero na súa carta destacan os manxares italianos. A súa parmesana de berenxena xa obtivo o recoñecemento co premio do Concurso de Tapas organizado polo Concello de Fene.

Conta cunha longa carta de pratos do seu país como os ovos á siciliana. Pero se por algo son coñecidos os seus fogóns é polas súas exquisitas pizzas. Fainas de todos os tipos, prepara unha pizza co seu nome pero asegura que a verdadeira e máis sabrosa é a siciliana. Tira pola súa terra non podía ser menos.

Leo apunta, como dicía o anuncio, que o segredo das pizzas está na masa. Moitas das pizzerías dos arredores empregan masa conxelada, algo imperdonable para Leo quen as fai frescas e caseiras.

Poden degustar os seus pratos na cafetería do Centro de San Paio pero tamén poden levala para a a casa. En quince minutos poden facerse cunha pizza. Para buscar outro prato de comida hai que encargala o día anterior. Buon appetito a todos!

Sociedade