Ibou é compositor e mestre do djembé na cidade da Coruña dende hai seis anos. O yembé é un instrumento de percusión similar a un tambor, cuberto de pel que se toca coas mans. Este instrumento ten a súa orixe en Mande (África Occidental). Dende esa zona migrou posteriormente a Senegal, onde forma parte integral da música e as tradicións da zona.

Os protagonistas, xunto con Ibou, son os cinco músicos e bailaríns que o acompañan: Ibrahima Ndiaye, Valerio, Alionne Badara Sow, Frank e Fernando. A súa proposta musical consiste en melodías baseadas na percusión dos tambores que contaxian a quen os escoitan, ataviados coas roupas coloristas e típicas africanas.

Un espectáculo que non deixará indiferente ao público. Calidade musical enmarcada no exotismo, na execución do instrumento deste enigmático músico, acompañado doutros cinco percusionistas que interaccionan os ritmos dos tambores, a danza e as voces da África máis profunda e trival.

A música africana de Ibou Djembé mañá sábado no Centro Cultural Carballo Calero ás sete da tarde con entrada de balde.