As xogadoras xogan mellor cando van moitos afeccionados a velas: a todo o mundo gústalle que aprecien o seu traballo. Elas adéstranse  e traballan toda a semana para xogar ben e ofrecer un bo espectáculo, segundo salienta o Universitario nun comunicado.

O adestrador Chiqui Barros conta para o partido de mañá con todo o plantel, exceptuando a María. A principal novidade é a progresiva incorporación de Laura Audere, quen xa entrena 2 dias á semana en sesión doble. "Cada dia vexo ao equipo máis forte" indicou o técnico ferrolán. 

A pivot chilena Tatiana Gómez e a recén incorporada americana Alex Anderson son algunhas das cartas do Arxil, un equipo que finalizou a primeira volta como penúltimo, a pesar de que conta con aspiracións para rematar a Liga na metade darriba da táboa.