ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Delegados e delegadas da CIG de Compostela, vestidos de presidiarios, ocuparon esta mañá a oficina principal de Novagalicia Banco, no centro de Santiago, a gritos de “Que deteñan aos ladróns”, “Non, non, non á privatización”, “Queremos unha caixa e non un banco” ou “Non faltan cartos, sobran ladróns”. A ocupación da entidade encádrase na campaña que a CIG leva meses desenvolvendo
A CIG salienta que pretenden concienciar á poboación sobre a necesidade de loitar en serio contra o fraude fiscal e contra a precariedade laboral. Chaman a participar na mobilización convocada pola central sindical para o vindeiro domingo 23 de outubro.
Ao comezo do acto, o secretario comarcal da CIG de Compostela, Anxo Noceda, afirmou que o problema non é que non haxa recursos económicos, senón a quen se destinan os que hai. Así cuestionou as axudas millonarias á banca, mentres se recortan os salarios e as condicións laborais dos traballadores e traballadoras. “Pola vía pola que se está apostando é por unha concentración da riqueza en cada vez menos mans mentres se lle quita a aqueles que menos capacidade económica temos” concluiu.