2.200 alumnos e alumnas dos centros educativos de Ferrol e comarca participarán nesta iniciativa. Este ciclo ofrece aos máis novos unha situación ou contexto habitual do seu "Mundo", fóra da escola, galeguizado.O Concelleiro de Normalización Lingüística de Ferrol, Manuel Santiago, sinalou que non só é un entretemento para os máis novos. É unha forma de achegar a través dunha acción lúdica, dende o galego e en galego, a unha das formas de expresión cultural dun pobo, o cine, permitíndolles reflexionar sobre a realidade.

Este luns 28 de setembro comezan as proxeccións coa película para os escolares máis pequenos, "Pérez, o ratiño dos teus soños II". Este mesmo filme pasarase o martes 29. "Un amor por descubrir" dirixida a alumnos de último ciclo de primaria e primeiro da ESO pásase o mércores 30 de setembro eo xoves 1 de outubro. O ciclo remata con "Pradolongo" para os escolares máis maiores. Esta longa pódese ver o mércores, o xoves e o venres da vindeira semana.