ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O sector naval reaviva as movilización neste mes de febreiro, cunha próxima cita na Coruña, os dias 7,8 e 9 de febreiro. Os traballadores confluíron en Esteiro e marcharon xuntos esta mañá en dirección á Praza de Armas. Representantes dos comités de empresa entrevistáronse co alcalde, José Manuel Rey Varela, mentras abaixo se producía algún enfronttamento coa policía local, que non pasou a maiores.
Ás 10.30 saíron a pé en dirección a Esteiro os traballadores de Navantia Fene. Alí confluíron cos do estaleiro ferrolán e xuntos se dirixiron á praza de Armas onde os comités foron recibidos polo alcalde de Ferrol, José Manuel Rei. No momento da partida, nas Pías, o presidente do comité da antiga Astano, Jorge Prieto, manifestaba a Radio Fene que “ xa non hai excusas” por parte do PP para retrasar a construcción do dique flotante que dea un respiro á falta de carga de traballo nos estaleiros da ría.
Ao alcalde de Ferrol transmitíronlle que xa pasou o tempo das promesas e que hai que tomar decisións, en canto á construcción do dique flotante e en relación cos novos contratos que precisan con urxencia. Mentras uns falabas, os traballadores mantiñan un rifi-rafe coa policía local que tentou desaloxalos do pazo municipal .
As movilizacións reanúdanse e a próxima semana trasládanse á Coruña. Delegados sindicais dos dous estaleiros marcharán a pé os dias 7, 8 e 9 en dirección á cidade herculina para entrevistarse co Delegado do Goberno en Galicia.