Os estudantes están levando a cabo un proxecto de investigación sobre a recollida e xestión de graxas domésticas no que por medio do blogue "medioambiente virgen extra" documentan todo o proceso de investigación que levarán a cabo os próximos meses.  

Dende que o sistema de recollida de aceite doméstico se puxera en marcha o pasado ano 2008, na vila ordense lévanse xestionados máis de 5.800 kgs deste residuo o que conleva un beneficio ambiental de menos emisións de CO2 á atmósfera e de menos litros de auga contaminada. O edil de Medio Ambiente, Jesús Pedreira explicou que a reciclaxe sempre comenza pola concienciación e a intención por parte do cidadán, polo que o departamento municipal que dirixe leva a cabo de forma habitual campañas de sensibilización baixo o título "Tirar aceite polo vertedeiro contamina".  

Pedreira asegurou que se trata dun xesto co que gañamos todos e mostrou a súa satisfacción pola acollida que esta iniciativa está tendo “tanto entre os nosos veciños e veciñas, verdadeiros responsables do éxito desta recollida, como por parte dos estudiantes de bioloxía que mostraron un grande interese polo noso proxecto e a iniciativa lles serviu como exemplo de boas prácticas”.