Continuando cos traballos que se están a realizar dende a Concellería de Servizos, O edil José Antonio López   anunciaba a pasada semana  o amaño do camiño de acceso ás praias de Limodre. Segundo López a estrada atópase en bastante mal estado e o seu adecentamenro é prioritario e necesario nestes meses de verán no que o seu uso aumenta.
 
Descoñécese a data concreta dos inicios das obras que incluirán un desbroce previo e dous regos asfálticos que mellore o firme do camiño. O vial a amañar é o que chega á Praia de Río Sandeo e á de Río Castro. Nesta última transcorren parte das obras da EDAR polo que  está en negociacións coa empresa adxudicataria destas obras o asfaltado da mesma. Seguindo coas tarefas de desbroce que comezaron en semanas anteriores continuarán durante todo o mes de agosto. Ata o de agora  desbrozáronse as parroquias de Fene e Magalofes. En Limodre empezarase a vindeira semana, seguida do resto das parroquias.