“Atención, memoria, socialización”. Son moitos os efectos que poden ter na rapazada o uso das pantallas. “O impacto do uso precoz de pantallas no desenvolvemento do cerebro”. Este é o tema que se vai abordar pola tarde no ciclo Acompañar no Reto de Educar, na Casa da Cultura de Fene, nunha sesión que estará a cargo de Anabel Mosquera, que é experta en adicións e temas tecnolóxicos.  Se os problemas de atención ou de retentiva son preocupantes, non menos o é a maneira de relacionarse con outras persoas. Porque o trato con amizades virtuais non serve para aprender habilidades sociais. Desenvolver intereses distintos para o tempo de ocio da rapazada é fundamental. O programa Acompañar no Reto de Educar está dirixido a familias de Fene, Neda e Mugardos. As sesións teñen lugar ás seis da tarde, na Casa da Cultura. Cunha duración prevista de dúas horas. Ofrécese un servizo de conciliación para as familias que o precisen.