Para peixe fresco Vigo, para chocos Redondela

Para peixe fresco Vigo, para chocos Redondela

05 de Abril, 2016 - 12:00 h. | Publicada por Radio Redondela

Trinta edicións cumpre este ano a Festa do Choco de Redondela. Un ano máis, a carpa central da festa e máis distintos restaurantes da localidade ofrecerán racións de choco con trazabilidade. Haberá demostracións de cociña e feira de artesanía o sábado sete e domingo oito de maio.

Como actividade paralela á festa gastronómica, a Alameda de Redondela acollerá durante os días 7 e 8 de maio a venda de produtos de artesanía. As persoas interesadas en participar deberán presentar unha solicitude ante do 8 de abril no rexistro xeral do Concello. Poderán participar neste mercadiño aqueles vendedores que ofrezan obxectos realizados de xeito artesanal así como obxectos de uso doméstico aos que lle impriman un selo persoal, quedando excluídos da venda os produtos alimenticios.

O número máximo de autorizacións será de 30 sendo a adxudicación do posto establecida de acordo á data de ingreso da solicitude. Os feirantes deberán abonar 21 euros en concepto de taxa de ocupación da vía pública.

Toda a información así como o impreso a presentar pode atoparse na páxina do Concello de Redondela

Sociedade